Køkurin á Landssjúkrahúsinum

Føðsluatstøðingurin ger heilsugóðan gerandismat. Føðsluatstøðingurin kann átaka sær allar arbeiðsuppgávur í køkinum.

Føðsluatstøðingurin hevur ábyrgdina av, at maturin smakkar væl, sær innbjóðandi út og at góðskan livir upp til galdandi tilmælir. Føðsluatstøðingurin er vanur við at finna uppá, gera kostætlan, meta um og nýta uppskriftir, so máltíðin hevur høga góðsku.

Hvussu langa tíð tekur tað?
Útbúgvingin sum føðsluatstøðingur er ein yrkisútbúgving, har lærutíðin er 2 ár og 11 mðr. Skúlagongdin í lærutíðini er 20 grundvikur og 3 x 10 vikur á tekniskum skúla í Danmark.

Hvat lærir ein undir útbúgvingini?
Føðsluatstøðingurin fær verkligar førleikar innanfyri:

• Klárgerð, tilgerð og borðreiðing av mati
• Klárgerðingarhættir
• Køkstøkni
• Sensorikki (sansingarkunnleika)
• Góðskutilvitan við atliti at mataruppliving, matvøru og føðslu
• Reinføri og innaneftirlit
• At leggja til rættis
• Meting um mat og máltíðir í samsvari við tørv hjá brúkarunum
• Burðardygd og mat, ið fer til spillis
• Føðslu og serkostfrøði
• Ábyrgd
• Arbeiðsøki og virksemi

Sum føðsluatstøðingur er títt arbeiðsøki køkurin á Landssjúkrahúsinum, har allur maturin verður framleiddur.

Høvuðsuppgáva okkara er at veita góðan mat til sjúklingar. Vit gera somuleiðis mat til starvsfólk, sum fæst til keyps í Matarhøllini á Eirargarði. Vit veita eisini mat til Kafeina í forhøllini, sum t.d. grønmeti til salatborð, døgurði, smyrjibreyð, skundverðar og dessertir. Harumframt veitir Køkurin eisini ymiskt leskiligt til innanhýsis móttøkur og fundarvirksemi.

Les meira um útbúgvingina
Tú kanst lesa meira um útbúgvingina á føðsluatstøðingur, Yrkisdepilin og uddannelsesguiden.

Løn
Sí lønarsáttmála her.

Útbúgvingin til Yrkisbachelor í føðslu og heilsu vendir sær til tín, sum ynskir eina fjølbroytta útbúgving innan føðslu, matvørur, nýtslu og tænastu til heilsu- og umhvørvisframa. Og sum hevur áhuga í at røkja samskiftis- frálæru- og leiðsluuppgávur.

Hvat ger ein yrkisbachelor í føðslu og heilsu?
Í framtíðini fert tú við útbúgvingini sum Yrkisbachelor í føðslu og heilsu í felagskøkinum á Landssjúkrahúsinum at verða førur fyri at arbeiða innan niðanfyri hesi høvuðsevni: Matur, Heilsa, Bygnaður, Umhvørvi, Leiðsla, Búskapur, Menniskju, Stýring, Góðska og Formidling.

Hvar kann ein fáa sær hesa útbúgvingina?
Tað eru 4 ymisk útbúgvingarstøð í Danmark: í Haderslev, Keypmannahavn, Slagelse ella Aarhus, sí meir kunning her.

Útbúgvingin “Professiónsbachelor i Ernæring og sundhed” er ein 3½ ára víðari útbúgving við tveimum sergreinum: “Fødevarer og Ledelse” ella “Sundhedsfremme og Diætetik”, ið hevur tveir undirliðir: “Sundhedsfremme og Forebyggelse” ella “Klinist Diætetik”

Útbúgvingin hevur ein grundpart uppá 1 1/2 ár og ein serpart uppá 2 ár. Tú skal í minsta hava 20 vikur í praktikk í lærtutíðini. Frálæran er býtt upp í lið- og bólkafrálæru, og í hesi tíð arbeiðir tú projektætlað bæði í bólkum og sum einstaklingar. Frálæran er skipað í 7 lestrarhálvir.

Upptøkukrøv til útbúgvingina
Fyri at kunnu søkja skal man hava miðnámsprógv, HF, HH ella HTX. Hesi einkultu upptøkukrøv skulu verða staðin innan byrjan:

• Enskt C
• Antin Kemi C ella Bioteknologi A
• Antin Lívfrøði C ella Støddfrøði C ella Samfelagslæru C

Kann ein gjøgnumføra tann praktiska partin av útbúgvingini á Landssjúkrahúsinum?
Ja, Køkurin á Landssjúkrahúsinum bjóðar praktikkpláss til tey sum útbúgva seg til Yrkisbachelor í føðslu og heilsu.

Okkara visión er, at Køkurin á Landssjúkrahúsinum skal vera tann leiðandi sjúkrahúskøkurin í Føroyum. Hendan visión arbeiðir miðvíst við at arbeiða við góðskutrygging út frá frymlinum hjá Sundhedsstyrelsen um góðskumenning. Praktikkin er ólønt – lesandi kunnu fáa SU í allari starvsvenjingini.