Svøvnkøvuambulatoriið
Svøvnkøva ávirkar ein sjálvan, gerandisdagin og tey avvarðandi.
Sjúklingurin kann uppliva, at svøvnurin hevur vánaliga góðsku. Møðin er meira um morgunin, tá ein vaknar, enn tá ið hann fór í song á kvøldi. Ein kann vakna við høvuðpínu ella við kensluni av at vera tung/ur í høvdinum.
Svøvnurin kann verða avbrotin, ein vaknar ofta um náttina og skal ofta upp at lata vatnið. Dagurin kann verða merktur av møði, og ein kann hava trupult við at hugsavna seg og hava lætt við at sovna, tá ein situr stillur.
Í parlagnum kann svøvnkøva vera til stóran ampa fyri makan. Tað kann vera trupult hjá makanum at fáa ein góðan svøvn í larminum av snorkinum, og svøvnkøvu kann hava stóra ávirkan á sinnalagið hjá sjúklinginum.
Tann, ið hevur svøvnkøvu, kann uppliva ótta av kensluni av at kvalast, tá ið tungan og svølgið steðga fyri andaleiðini undir svøvni. Hetta kann geva hjartabankan og óró í kroppinum.
Ein kann hava svøvnkøvu uttan at hava nevndu eyðkenni. Svøvnkøva verður diagnostiserað eftir trimum stigum: mild, moderat og álvarslig. Svøvnkøva økir um vandan fyri høgum blóðtrýsti, hjartatrupulleikum, sukursjúku, yvirvekt v.m.
Samband
Deild
SvøvnkøvuambulatoriiðHent kunning
Finn veg og parkering
Bústaðurin er Sjúkrahúsbrekka 1.
Fyri at koma til sjúkrahúsið, kann koyrast eftir Klaksvíksvegi niðanfyri, ella Víkavegi omanfyri.
Parkeringsøki eru niðanfyri og norðanfyri sjúkrahúsið. Omanfyri er kommunalt parkeringsøki.
Kiosk og kafé
Á fyrstu undirhædd á sjúkrahúsinum er kantina. Har ber til sum vitjandi ella avvarðandi at keypa sær máltíðir ella okkurt góðgæti. Opið er yrkadagar kl. 08:15 - 10:00 og 11:30 - 13:00.
Blómur
Tað er loyvt at hava avskornar blómur, bukettir, við inn á sjúkrahúsið. Tosa við starvsfólkini um, hvussu tú skalt gera við blómurnar. Tað ber ikki til at taka urtapottar við mold, inn á sjúkrahúsið.
Internet
Á Klaksvíkar Sjúkrahúsi er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Klaksvíkar Sjúkrahúsi. Uttanfyri høvuðsinngongdina er eitt økið tilskilað til royking.