Rannsóknarstovan á Landssjúkrahúsinum
Uppgávan hjá Rannsóknarstovuni er gera kanningar, sum kunnu staðfesta, um ein er sjúkur. Rannsóknarstovan umfatar fleiri rannsóknarstovuøki, sum eru mannað av bioanalytikarum, umframt einum serlækna í patologi.
Ávísing frá lækna krevst
Tað er neyðugt við ávísing frá kommunulækna, sjúkrahúslækna ella serlækna, um tú skalt taka blóðroynd, EKG, ella fáa gjørt aðrar kanningar á Rannsóknarstovuni.
Svar uppá prøvar og kanningar
Tú fært svar uppá kanningar, við at venda tær til tín egna lækna. Svartíðin uppá blóðroyndir o.a. kanningar er ymisk – frá tímum til dagar og vikur.
Rannsóknarstovan er ein deild, sum fevnir um hesi serøki:
Klinisk biokemi
Klinisk biokemi ger kanningar innan hematologi, bio- og immunokemi, koagulatión og aðrar smáanalysur. Flestu kanningar verða gjørdar av blóði, men eisini annað tilfar so sum land, skarn, sáð, spinalvæta og aðrar vætur verða kannaðar.
Kanningartilfarið kemur frá ambulantum og innløgdum sjúklingum á Landssjúkrahúsinum, Klaksvíkar- og Suðuroyar Sjúkrahúsi, umframt at kommunulæknar runt landið eisini senda royndir til kanningar.
Biokemi
Toymisleiðarin og 3-4 bioanalytikarar arbeiða í økinum gerandisdagar, umframt at taka blóðroyndir og EKG á innløgdum og akuttum sjúklingum.
Prøvar uttanlands
Nógvar blóðroyndir verða sendar uttanlands til kanningar, og í hesum øki arbeiða 1-2 bioanalytikarar/skrivari gerandisdagar.
Ambulatorium
3-4 bioanalytikarar manna ambulatoriið á B1, har blóðroyndir og EKG verða tikin á ambulantum sjúklingum gerandisdagar.
Blóðroyndartænasta
Ein dag um vikuna verða blóðroyndir tiknar av sjúklingum, sum lækni metur verða ov sjúkar ella óhjálpnar at møta til blóðroynd. Blóðroyndartænastan er skipað í samstarvi við Tórshavnar Kommunu, sí leinkju: Blóðroyndartænasta - Tórshavnar kommuna
Ávísing til blóðroynd/EKG
Ávísing til blóðroynd/EKG krevst frá antin sjúkrahúsi ella kommunulækna. Bílegg tíð her.
Staðseting Ambulatorium
Bygningur B, hædd 1 (Forhøllin)
J. C. Svabosgøta 41-49
FO-100 Tórshavn
Svar
Tú fært svar uppá kanningar, við at venda tær til tín egna kommunulækna, um ikki annað er avtalað.
Svar uppá akuttar kanningar av innløgdum sjúklingum fyriliggja innan 1-2 tímar. Svar uppá ambulantar kanningar fyriliggja innan 2 yrkadagar, tó verða onkrar kanningar bert gjørdar einaferð um vikuna. Kanningarsvar frá útlendskum rannsóknarstovum fyriliggja vanliga innan 1-2 vikur, men kann í ávísum førum taka mánaðir.
Starvsfólk
Toymisleiðari er Barbara Toftanes.
Klinisk immunologi/Blóðbanki
Klinisk immunologi/Blóðbakin hevur sum høvuðsendamál at tryggja blóð til sjúklingar, sum hava tørv á blóði. Hetta umfatar m.a. kanningar av blóðroyndum frá sjúklingi og frá blóðgevum. Blóðbankin hevur ábyrgd av at at veita tað blóð, sum tørvur er á. Fyri at røkka hesum, er altíð ein ávís mongd av blóði á goymslu.
Blóðbankin tappar umleið 40 blóðgevar um vikuna, og føstu tappidagarnir eru miku- og hósdag kl. 8:15 til 14:00.
Klinisk immunologi/Blóðbakin ger eisini kanningar av kvinnum í samband við barnakonukanning.
Samstarv
Blóðbankarnir í Sjúkrahúsverkinum hava tætt samstarv, og harumframt samstarv við blóðbankan á Ríkissjúkrahúsinum.
Samband
Tel. 304521 ella á telduposti, bbank@ls.fo
Blóðgevar tel 304522 ella teldupost bbank@ls.fo
Starvsfólk
Toymisleiðari er Joan M. Petersen.
Umframt toymisleiðaran arbeiða 2-3 bioanalytikarar yrkadagar, tó 4-5 bioanalytikarar á tappidøgunum.
Vilt tú gerast blóðgevi?
Fyri at geva blóð krevst, at tú:
- Ert millum 18 og 60 ár
- Ert frísk/ur og hevur góða heilsu og
- Vigar í minsta lagi 50 kg
Er heilsan góð, kunnu blóðgevar geva blóð til 65 ára aldur.
Far inn á heimasíðuna www.gevblod.fo har tú finnur kunning og tilmeldingarblað.
Skal tú geva blóð
Blóðbankin heldur til á G0, og hevur inngongd har sum Kapellið var. Parkeringsbásar eru merktir av til blóðgevar. Blóðbankin er opin gerandisdagar kl. 8:00 til 15:00, og tappidagarnir eru: Miku- og hósdag kl. 8:15 til 14:00.
Ivast tú í onkrum, ella hevur spurningar, ert tú vælkomin at seta teg í samband við Blóðbankan á tel. 304522 ella send teldupost til bbank@ls.fo
Klinisk patologi
Klinisk patologi ger vevnaðar- og kyknukanningar fyri at kanna, um broytingar eru í.
Kanningartilfar
- Vevnaður (histologi)
- Tað, sum verður tikið burtur við operatión á sjúkrahúsi og hjá lækna (ambulant)
- Kyknur (cytologi)
- Alt flótandi tilfar ella útstrok t.d. blóð og væta
- Tilfar frá undirlívskanningum (vaginal-cytologi)
Sjúkrahús- ella kommunulækni sendir kanningartilfar til Ransóknarstovuna.
Svar
Svartíðin er ymisk, og roknast skal við eini svartíð á 7-10 yrkadagar.
Tú fært svar uppá kanningar, við at venda tær til tín egna kommunulækna.
Samband
Tel 304500, lokal 5604 ella á telduposti, patologi@ls.fo
Telefontíð
Mánadag - fríggjadag: kl. 10:00 til 12:00
Starvsfólk
Toymisleiðari er Gunnrið Jóanesarson.
Umframt toymisleiðaran manna 1-2 bioanalytikarar og ein patologur deildina dagliga.
Fyribyrgjandi kanning fyri lívmóðurhálskrabba
Les um fyribyrgjandi kanning fyri lívmóðurhálskrabba her.
Klinisk mikrobiologi
Mikrobiologiskar kanningar verða gjørdar av m.a. blóði, slími (ekspektorati), landi, hálsi- og sárpotanum, spinal- og øðrum vætum, har mistanki er um bakteriellar infektiónir.
Flest allar royndir verða dyrkaðar, fyri at kanna um sjúkuelvandi bakteriur er tilstaðar. Eru bakteriur í, verður kannað, hvat slag av bakterium talan er um, og hvat antibiotika skal nýtast fyri at basa bakteriunum. Bakteriur hava eina gróðrartíð uppá minst 18 tímar.
PCR-kanningar verða gjørdar fyri Chlamydia, MRSA, Infl. A/B, Covid-19, Atypiska pneumoni o.a.
Sjúkrahús- ella kommunulækni ávísir til mikrobiologiskar kanningar og/ella sendir tilfar.
Svar
Svarið uppá kanningina fyriliggur eftir uml. 2-3 yrkadøgum.
Tú fært svar uppá kanningar, við at venda tær til tín kommunulækna.
Samband
Tel. 304520 lokal 5608 ella teldupost, microlab@ls.fo
Starvsfólk
Toymisleiðari er Marianna Konoy.
Umframt toymisleiðaran eru 1-2 bioanalytikarar, sum manna økið gerandisdagar. Leygardag er ein bioanalytikari í dagvakt.
Klinisk fysiologi og nuklearmedicin
Hesar kanningar verða gjørdar av innløgdum og ambulantum sjúklingum:
- Nuklearmedisinskar kanningar - scintigrafiir:
- Beinagrind scintigrafi
- Thyreoidea scintigrafi (skjaldkertil)
- Lungna scintigrafi
- Renografi (nýrakanning)
- Nýrascintigrafi
- BMD skanning (kalkskanning)
Ávísing
Sjúkrahús- og kommunulæknar ávísa sjúklingar til kanningar.
Svar og svartíð
Uml. 1-2 yrkadagar.
Tú fært svar uppá kanningar, við at venda tær til tín kommunulækna.
Samband
Tel 304500 lokal 6242.
Staðseting
Bygningur G, hædd 3
J. C. Svabosgøta 41-49
FO-100 Tórshavn
Starvsfólk
1-2 bioanalytikarar arbeiða í økinum ávísar yrkadagar.
Klinisk neurofysiologi
Hesar kanningar verða gjørdar av innløgdum og ambulantum sjúklingum:
- EEG - kanning (Elektroensephalografi)
- ENG - kanning (Nervaferðkanning)
- EMG - kanning (Elektromyografi)
Ávísing
Sjúkrahús- og kommunulæknar ávísa sjúklingar til kanningar.
Svar og svartíð
Uml. 1-2 vikur. Tú fært svar uppá kanningar, við at venda tær til tín kommunulækna.
Samband
Tel 304500 lokal 6270
Staðseting
Útistova
J. C. Svabosgøta 41-49
FO-100 Tórshavn
Starvsfólk
Bioanalytikari, neurofysiologiassistentur og neurofysiologur arbeiða í økinum ávísar yrkadagar.
Samband
Deild
Rannsóknarstovan á Landssjúkrahúsinum100 Tórshavn
Bygningur G, Hædd 0
Leiðandi starvsfólk
Birita K. Samuelsen, Funktiónsleiðari á Rannsóknarstovunibirje@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini, í Skálanum ella takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt søtt omaná. Døgurði er at fáa ímillum kl. 11:30 - 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Skálin í H-bygninginum
Skálin er opin gerandisdagar frá kl. 10.00 - 14.00. Til ber at keypa døgurða, suppu ella dessert og salatbarr frá kl. 11.30 - kl. 13.00. Mána-, miku- og fríggjadag ber eisini til at keypa rísvelling við kanelsukri. Í upplatingartíðini ber somuleiðis til at keypa skundverðar og okkurt søtt.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini og Skálanum, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir í Kafeini
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.