Fulltrúi til HR deildina á Landssjúkrahúsinum
HR deildin á Landssjúkrahúsinum leitar eftir einum dugnaligum og ágrýtnum starvsfelaga til barnsburðarfarloyvisstarv. Talan er um eitt eitt starv sum HR fulltrúi við starvsbyrjan tann 01.11.2026 og á leið eitt ár fram.
HR deildin hevur serliga ábyrgd av starvsfólkaviðurskiftum á Landssjúkrahúsinum, her undir starvsfólkapolitikkum, starvsfólkaumsiting og lønarflokkingum. Deildin varar somuleiðis av uppgávum so sum útbúgving, organisatiónsmenning, leiðslumenning, førleikamenning og trivnaði í breiðum høpi.
Høvuðsuppgávur í starvinum
- Trivnaðarkanningar
- Førleikamenning
- Strategi arbeiði
- Ráðgeving til leiðarar og starvsfólk
- Innleiðsla fyri nýggjum starvsfólkum
- Mynstring og avmynstring
- Samskipan av skeiðum
- Samskipan av leiðslumenning
- Umsiting av nýggjum og verandi skipanum
- Aðrar fyrifallandi uppgávur
Vit sóknast eftir einum fulltrúa við viðkomandi útbúgving, og sum hevur royndir og áhuga í økinum. Tað er ein fyrimunur, um tú hevur royndir við skipanum s.s. Garuda, MyMedCards og BSL.
Landssjúkrahúsið er eitt stórt arbeiðspláss við nógvum ymiskum fakbólkum, og tí er tað av stórum týdningi, at tú dugir væl at samstarva og samskifta við ymisk fólk. Tú skalt duga at samskifta á føroyskum, donskum og enskum í skrift og talu. Eisini hevur tað stóran týdning, at tú megnar at rúma einum gerandisdegi við nógvum skiftandi uppgávum og til tíðir høgari ferð.
Vit bjóða eitt fjølbroytt og áhugavert starv undir støðugari menning. Umframt eitt gott arbeiðsumhvørvi við vinarligum starvsfelagum. Eisini bjóða vit eina felags innleiðslu og upplæring á deildini.
Lønar- og setnarviðurskifti eru sambært sáttmála við Fíggjarmálaráðið og avvarðandi sáttmála.
Nærri upplýsingar um starvið fáast við at venda sær til Selmu Herup, HR deildarstjóra á tlf. 286863 ella t-post selma@ls.fo
Umsóknarfreistin er tann 12.10.2026.
Vinarliga søk starvið her.
Á heimasíðuni www.ls.fo kanst tú síggja okkara visjón, missión og strategimál undir leinkjuni "Um stovnin".
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.