Ls Bygningr
Freist
Staðseting
Landssjúkrahúsið
Starvsslag
Fast starv
Arbeiðstíð
Fulltíðarstarv

Tænastudeildin á Landssjúkrahúsinum søkir eftir einum starvsfólki til okkara húsavarðartænastu. Talan er um eitt tímalønt starv til setan 01.01.2027 ella so skjótt sum gjørligt.  

Um starvið
Vit bjóða eitt starv í einum góðum arbeiðsumhvørvi við dugnaligum og hjálpsomum starvsfeløgum. Tú verður partur av einum toymi, har samstarv, ábyrgd og tænastusinni hava stóran týdning.

Vit røkja ymiskar praktiskar uppgávur og flutningstænastur, sum eru við til at tryggja, at dagliga arbeiðið á Landssjúkrahúsinum gongur væl. Neyðug upplæring verður givin við starvsbyrjan.

Arbeiðsuppgávur í høvuðsheitum
Arbeiðið er fjølbroytt og fevnir um bæði innan- og uttandura uppgávur.
Høvuðsuppgávurnar eru:

  • Innanhýsis flutningur av vognum og útgerð fyri køkin og vaskaríið

  • Vøruflutningur, sum t.d. vørukoyring fyri felagsgoymsluna

  • Innsavnan og flutningur av burturkasti

  • Annað fyrifallandi arbeiði eftir tørvi

Arbeiðstíð
Húsavarðatænastan er virkin allar dagar í árinum, eisini um vikuskifti og halgidagar. Arbeiðið er tí skipað í skiftandi vaktum. Arbeitt verður áleið 40 tímar um vikuna, og roknað verður við, at tú arbeiðir umleið fjórða hvørt vikuskifti.

Vaktirnar eru vanliga hesar:

  • Dagvakt: kl. 07.00-15.00 ella kl. 08.00-15.00

  • Seinnapartsvakt: kl. 10.00-18.00

  • Vikuskiftisvakt og halgidagar: kl. 07.00-18.00

Vit vænta, at tú:

  • Ert álítandi, røkin og dugir at arbeiða sjálvstøðugt

  • Ert fyrikomandi, tænastusinnað/ur og til reiðar til at taka tær av ymiskum arbeiðsuppgávum

  • Ert kropsliga væl fyri, tí arbeiðið kann vera kropsliga krevjandi og kann fevna um tung lyft og flutning

Koyrikort til persónbil (B) er ein treyt. Tað er ein fyrimunur, um tú eisini hevur koyrikort til viðfestivogn (BE).

Lønar- og setanartreytir eru sambært galdandi sáttmála millum Føroya Arbeiðsgevarafelag og Havnar Arbeiðarafelag. Í løtuni er starvið tímalønt. 

Vilt tú vita meira um starvið, ert tú vælkomin at seta teg í samband við Heimir Ottósson, deildarleiðara fyri Tænastudeildina, gerandisdagar millum kl. 08.00 og 15.00. Telefon: 304570 ella á teldupost: heimir.ottosson@ls.fo

Umsóknarfreistin er 30.11.2026.

Vinarliga søk starvið her.

Um Sjúkrahúsverkið

Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur alt lívið.

Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.

Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.

Send viðmerkingar ella hugskot til okkum fyri at betra um virksemið í Sjúkrahúsverkinum
Rís og rós