Maskinmeistari til Landssjúkrahúsið

Hevur tú hug til at starvast í einum umhvørvi, har tú hevur møguleika at brúka breiddina í starvinum sum maskinmeistari í einum serligum tekniskum umhvørvi?

Á Landssjúkrahúsinum søkja vit eftir einum maskinmeistara til eitt sjálvstøðugt og fjølbroytt starv, har tú arbeiðir bæði við framkomnum vaskaríútbúnaði og við tekniskum skipanum á øðrum týðandi økjum á sjúkrahúsinum.

Her fært tú møguleika at brúka breiddina sum maskinmeistari í einum serligum tekniskum umhvørvi.  

Um starvið
Tú verður partur av Teknisku deild í Tænastudeplinum og fær ein gerandisdag, har trygd, viðlíkahald og menning ganga hond í hond. Ein týðandi partur av starvinum er knýttur at vaskarínum, sum tey seinastu árini er høvuðsumvælt, so vit í dag hava nýggjastu tøknina á marknaðinum.  Harumframt kemur tú at loysa uppgávur á økjum, har álítandi tekniskur rakstur er avgerandi - eitt nú á Sterilsentralinum og við øðrum týðandi funktiónum á Landssjúkrahúsinum.

Tú kemur at arbeiða tætt saman við maskinmeistaranum, sum longu starvast á økinum.

Landsjúkrahúsið brúkar skipanirnar: CTS,  Dalux og KNX. 

Starvið er fulltíðarstarv, og er til setan frá 1. oktober 2026 ella eftir avtalu. Krav er, at tú hevur útbúgving sum maskinmeistari 

Arbeiðsuppgávur í høvuðsheitum 

• eftirlit og fyribyrgjandi viðlíkahald av tekniskari útgerð á vaskarínum
• at arbeiða við, menna og skipað viðlíkahald og skráseting
• at verða við til at seta mál og eftirmeta tey
• at samstarva við starvsfelagar, veitarar og aðrar fakbólkar um rakstur og tekniskar loysnir
• at vera við til at menna arbeiðsgongdir og finna loysnir, sum styrkja rakstrartrygd og góðsku.

Vit ímynda okkum at tú 

• hevur kunnleika innan fjøltáttaðar stýringar
• hevur góðan telduførleika: royndir við CTS, Dalux og/ella KNX eru ein fyrimunur, men ikki eitt krav
• arbeiðir sjálvstøðugt, skipað og tekur ábyrgd
• trívist við skiftandi uppgávum og dugir at raðfesta arbeiðsuppgávur, eisini tá nógv er at gera
• hevur hug at samstarva og deila vitan við onnur.
• tolir broytingar í arbeiðinum, og at tað til tíðir er nógv at gera

Hví velja Landssjúkrahúsið

Tín arbeiðsdagur hevur beinleiðis týdning fyri, at týðandi funktiónir á Landssjúkrahúsinum kunnu virka trygt og støðugt. Her fert tú at,

• fáa ein fjølbroyttan gerandisdag við bæði praktiskum og tekniskum avbjóðingum
• arbeiða við framkomnari útgerð og fleiri ymiskum tekniskum skipanum
• fáa góða innleiðslu og upplæring í teimum serligu skipanunum á Landssjúkrahúsinum
• hava møguleika fyri viðkomandi eftirútbúgving og fakligari menning 

Lønar- og setanartreytir
Starvið er fulltíðarstarv. Lønar- og setanartreytir eru sambært galdandi sáttmála millum Fíggjarmálaráðið og Maskinmeistarafelagið.

Nærri upplýsingar um starvið fáast við at venda sær til  Sæbjørn B. Nielsen, tekniskan leiðara, telefon 234539, teldupost saebni@ls.fo ella Terja Hammer, varaleiðara, telefon 234743, teldupost   terha@ls.fo

Umsóknarfreistin er 3. september 2026.

Vinaliga søk starvið her

 

Her kanst tú lesa um okkara visjón, missión og strategimál.

Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar Sjúkrahús og Suðuroyar Sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.

Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.

Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.