Sjúklingaleiðbeining
Sjúklingar, avvarðandi og starvsfólk kunna ringja til sjúklingaleiðbeinararnar, um tørvur er á vegleiðing ella hjálp viðvíkjandi sjúklingagongdum.
Í Sjúkrahúsverkinum arbeiða vit tilvitað við sjúklingagongdum og miða altíð eftir at skipa góðar sjúklingagongdir. Uppgávan hjá sjúklingaleiðbeinarum er at tryggja, at tað eisini er galdandi í samlaðu sjúklinga- og sjúkugongdunum, ið t.d. eru tvørtur um deildir, deplar, sjúkrahús og lond.
Sjúklingaleiðbeinarin kann hjálpa við:
- Spurningum í mun til viðgerð, røkt og kanningum
- Vera hjásitari til viðtalu
- Vegleiða um persónligar spurningar
- Annað, ring og spyr!
Sjúklingaleiðbeinararnir hava tagnarskyldu.
Í høvuðsheitum er arbeiðsuppgávan hjá sjúklingaleiðbeinarunum tvíbýtt, soleiðis at arbeiðið bæði verður við sjúku- og sjúklingagongdum.
Sjúklingagongdir
Er organisatoriska arbeiðslagið í mun til viðgerðargongdina hjá sjúklinginum ella sjúklingabólkinum. Tá arbeitt verður við sjúklingagongdum krevst, at sjúklingaleiðbeinarin megnar at fylgja, greina, vísa á og fáa í lag samstarv og arbeiðsgongdir tvørtur um fakbólkar, ið bøta um sjúklingagongdirnar í organisatiónini.
Sjúkugongdir
Er at taka fatur í ítøkiligum viðgerðargongdum hjá sjúklinginum. Til tað krevst, at sjúklingaleiðbeinarin megnar at vegleiða, vísa á og ganga undan við at fáa sjúkugongd hjá ávísum sjúklingi ella sjúklingabólki í ljósmála, raðfesta og í rættari tíð at fáa í lag samstarv og arbeiðsgongdir tvørtur um fakbólkar, ið bøta um sjúkugongdir hjá sjúklingum og sjúklingabólkinum.
Samband
Sjúklingaleiðbeinararnir eru at hitta gerandisdagar
- telefon: 304629
- teldupost: slb@ls.fo.