Gastroskopi
Gastroskopi er ein kikarakanning av vælindi, magasekki og tólvfingurtarmi. Læknin sær rovuna, og um broytingar eru. Gjøgnum eina kanal í kikaranum, ber til at taka vevna frá til kanningar.
Nærri kunning um kanning
Innan kanning
Til tín, ið skal til kanning á Landssjúkrahúsinum
Tað er umráðandi, at magasekkurin er tómur áðrenn kanningina. Tú mást ikki eta 4 tímar áðrenn kanningina, men kann drekka vatn/saft 2 tímar áðrenn. Ikki drekka mjólk.
Heilivágur: Lívsneyðugur heilivágur kann takast ikki seinni enn 2 tímar áðrenn kanningina saman við einum glasi av vatni. Annar heilivágur má bíða til eftir kanningina.
Hevur tú insulinkrevjandi sukursjúku og hevur spurningar, ert tú vælkomin at seta teg í samband við deildina.
Set teg í samband við okkum, um tú tekur blóðtinnandi heilivág.
Til tín, ið skal til kanning á Suðuroyar Sjúkrahúsi
Dagin fyri kanningina kanst tú eta vanligan mat. Aftaná kl. 24.00 skalt tú fasta, tvs. at tú skalt ikki eta, drekka ella roykja.
Tú skalt møta í bíðirúminum við leiðbeiningina/telefonvekslaran og siga starvsfólkinum har, at tú ert komin.
Um tú tekur jarnískoyti, skal hetta pauserast eitt døgn áðrenn kanning.
Heilivágur: Lívsneyðugur heilivágur kann takast ikki seinni enn 2 tímar áðrenn kanningina saman við einum glasi av vatni. Annar heilivágur má bíða til eftir kanningina.
Nýtir tú heilivágspístr fyri astmu, skalt tú hava tað við tær á sjúkrahúsið.
Nýtir tú insulin, skalt tú seta teg í samband við okkum dagin fyri kanningina á tlf. 34 33 00 lok. 3210.
Set teg í samband við okkum, um tú tekur blóðtinnandi heilivág.
Les faldara um kanningina her.
Til tín, ið skal til kanning á Klaksvíkar Sjúkrahúsi
Tað er umráðandi, at magasekkurin er tómur áðrenn kanningina. Tú skal vera fastandi frá miðnátt kvøldi fyri.
Heilivágur: Lívsneyðugur heilivágur kann takast, tó ikki seinni enn 2 tímar áðrenn kanningina, hetta saman við 15 ml av vatni. Annar heilivágur má bíða til eftir kanningina.
Hevur tú insulinkrevjandi sukursjúku og hevur spurningar, ert tú vælkomin at seta teg í samband við deildina.
Set teg í samband við okkum, um tú tekur blóðtinnandi heilivág.
Undir kanning
Til tín, ið skal til kanning á Landssjúkrahúsinum
Sjálv kanningin tekur 5-15 min. Tú verður lagdur á eina legu - á vinstru lið. Ein slanga (til tjúgdar sum lítlifingurin) verður førd inn í munnin og niður í magan.
Hetta kann gera, at tú fær vaml og tekur á at spýggja, men tað gongur yvir, tá slangan er komin niður í magan.
Fyri at síggja so væl, sum til ber, verður luft blást gjøgnum kikaran, hetta kann geva eitt sindur av magapínu. Luftin verður sogin út aftur, áðrenn kanningin er liðug.
Fyri at minka um vaml, er tað umráðandi, at tú andar róligani, meðan kanningin verður gjørd. Slangan skal niður í vælindið og ávirkar ikki luftrørið.
Til tín, ið skal til kanning á Suðuroyar Sjúkrahúsi
Tú fært eina song at liggja í, og ein sjúkrarøktarfrøðingur leggur kanylu í eina æðr á handarbakinum. Tú fært doyvandi heilivág í æðrina, meðan kanningin er. Um tú ikki ynskir doyvandi heilivág undir kanningini ber til at fáa doyvandi vætu, ið einans doyvir svølgið. Tú kanst tosa við starvsfólki um hetta kanningardagin.
Tú merkir onga pínu, men av tí at luft verður blást gjøgnum gastroskopið niður í magan, kanst tú merkja trýst um flagbróstið, fara at ropa og spýta. Kanningin tekur uml. 5-10 min.
Til tín, ið skal til kanning á Klaksvíkar Sjúkrahúsi
Sjálv kanningin tekur 5–15 minuttir. Tú verður lagdur á eina legu – á vinstru síðu. Ein slanga (umleið 1 cm í diametri) verður førd inn gjøgnum munnin og niður í magan. Á endanum á slanguni er eitt kamera, har læknin kann fylgja við á einum skermi og gera kanningina, umframt taka vevnað frá til nærri kanningar.
Sjálv kanningin er pínufrí, men tá slangan verður førd niður, kanst tú fáa vaml og taka á at spýggja, hetta gongur yvir, tá slangan er komin niður í magan.
Fyri at síggja so væl, sum til ber, verður luft blást gjøgnum kikaran, hetta kann geva eitt sindur av magapínu. Luftin verður sogin út aftur, áðrenn kanningin er liðug.
Fyri at minka um vaml, er tað umráðandi, at tú andar róliga, meðan kanningin verður gjørd. Slangan skal niður í vælindið og ávirkar ikki luftrørið.
Eftir kanning
Til tín, ið skal til kanning á Landssjúkrahúsinum
Læknin kann beinanvegin siga tær, hvat hann hevur sæð, og møguliga seta teg í viðgerð.
Eftir kanningina kanst tú vera sárur og eymur í hálsinum. Somuleiðis kanst tú hava luft í búkinum og møguliga leyst lív.
Fært tú sterka magapínu, blóð ella svarta spýggju, skalt tú venda tær til kommunulæknan ella vaktlækna.
Til tín, ið skal til kanning á Suðuroyar Sjúkrahúsi
Áðrenn tú verður útskrivað/- ur, greiðir læknin tær frá úrslitinum av kanningini.
Aftaná kanningina verður tú liggjandi í songini, til tú ert komin fyri teg. Áðrenn tú fert heim, fært tú at eta og drekka. Ert tú innlagdur/innløgd, fert tú aftur á seingjadeildina eftir kanningina. Av tí at tú hevur fingið doyvandi heilivág, skalt tú ikki koyra bil fyrr enn 12 tímar eftir kanningina.
Um tú einans ert doyvd/ur í svølginum, kanst tú fara heim beinanvegin, kanningin er liðug. Tú kanst koyra bil og fara til arbeiðis, men tú mást ikki eta og drekka í ein tíma eftir, at kanningin er liðug.
Til tín, ið skal til kanning á Klaksvíkar Sjúkrahúsi
Læknin kann beinanvegin siga tær, hvat hann hevur sæð, og møguliga seta teg í viðgerð.
Eftir kanningina kanst tú vera sárur og eymur í hálsinum. Somuleiðis kanst tú hava luft í búkinum og møguliga leyst lív.
Fært tú sterka magapínu, blóð ella svarta spýggju, skalt tú venda tær til kommunulæknan ella vaktlækna.
Uppfylging
Er vevnaður tikin frá, er svarið klárt eina til tvær vikur eftir kanningina, og verður tá tosað við læknan um møguliga viðgerð.
Samband
Deild
EndoskopiVitjanartíð
Leiðandi starvsfólk
Guðrun Setberg Lindenskov, Deildarleiðarigudli@ls.fo Margretha Kjærbæk, varaleiðari
lsmarkj@ls.fo
Hent kunning
Leiðbeining
Leiðbeiningin liggur við høvuðsdyrnar í forhøllini á Landssjúkrahúsinum.
Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.
Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.
Tel. 304500
Teldupostur: leidbeining@ls.fo
Parkering
Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.
Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.
Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar.
Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð.
Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.
Matur
Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini, í Skálanum ella takast við heim. Morgunmatur kann keypast Mánadag til Leygardag. Eisini ber til at keypa smyrjibreyð, skundverðar, dessertir og ymiskt søtt til góman.
Heitur matur
Gerandisdagar kann heitur matur keypast til døgurða, umframt okkurt søtt omaná. Døgurði er at fáa ímillum kl. 11:30 - 13:00. Sí dagsins rætt her.
Salatbarr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salatbarrin er sjálvtøka og er opin frá kl. 11:30 – 16:30.
Skálin í H-bygninginum
Skálin er opin gerandisdagar frá kl. 10.00 - 14.00. Til ber at keypa døgurða, suppu ella dessert og salatbarr frá kl. 11.30 - kl. 13.00. Mána-, miku- og fríggjadag ber eisini til at keypa rísvelling við kanelsukri. Í upplatingartíðini ber somuleiðis til at keypa skundverðar og okkurt søtt.
Orkuríkar vørur
Køkurin hevur heimagjørdan proteindrykk, orkuríkan snaps, suppur, fromasjur og ísar. Hetta kann keypast í Kafeini og Skálanum, sí vøruúrval her. Køkurin ger eisini tyggi- og svølgivinarligan mat, sum er til keyps í Køkinum.
Upp- og afturlatingartíðir í Kafeini
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30
Blómur
Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki.
Internet
Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.
Sosialir miðlar
Royking
Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.
Gisting
Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini. Tað sama er galdandi fyri avvarðandi.
Gestalonin á Landssjúkrahúsinum er staðsett á Eiragarði 4.
Les meira um Gestalonina her.