Soleiðis flytir tú dáta yvir í Stenoskjáttuna

Dexcom sensorar
Neyðugt er at brúkarin hevur tikið niður Dexcom appina niður á snildtelefonina, stovnað sær ein brúkara, og hevur brúkaranavn og loyniorð til Dexcom-appina við sær til viðtaluna. Til ber eisini hjá brúkaranum at nýta Samleikan at rita inn á Stenoskjáttuna og fylgja hesi vegleiðingini.

At flyta dáta yvir við app 
1. Rita inn á Stenoskjáttuna sum brúkari ella heilsustarvsfólk Stenoskjáttan - Sjúkrahúsverkið. 
2. Far upp í bjálkan í erva og vel “Meira”
3.    Undir “Samansetingar” velur tú “Uppseting av samanseting”

4.    Brúkarin skal nú rita inn á Dexcom appina við brúkaranavni og loyniorði

5.    Brúkarin skal síðani geva sítt samtykki at deila sínar dátur við Stenoskjáttuna. Les meiraum Viðgerð av tínum dátum - Sjúkrahúsverkið
 
6.    Samansetingin er liðug.

Tandem insulinpumpur
Til ber at kopla dáta frá tólinum til Stenoskjáttuni við kápil frá lesara/móttakara, BGM og Tandem insulinpumpuni. Les meira um hvussu tú flytir dáta frá Tandem insulinpumpuni og yvir í Stenoskjáttuna við kápli niðanfyri.

At flyta dáta við kápli frá Tandem pumpuni og yvir í Stenoskjáttuna
1.    Rita inn á Stenoskjáttuna sum annaðhvørt starvsfólk ella borgari
2.    Far undir “Uppsending” í breddanum í erva og tak niður nýggjastu útgávuna av Stenopool Uploader
3.    Lat installatiónsfíluna upp og dagfør Stenopool Uploader
4.    Opna Stenopool Uploader
5.    Set kápulin, sum situr í telduni, í diabetestólið. Forritið finnur sjálvt pumpuna.
6.    Trýst p-talið hjá viðkomandi inn 
7.    Uppsendingin byrjar

Les meira um Viðgerð av tínum dátum - Sjúkrahúsverkið.

 

Brúkaravegleiðingin til Stenoskjáttuna er at finna í danskari og enskari útgávu við at trýsta á "Support" í breddanum í neðra, tá ið tú hevur ritað inn í Stenoskjáttuna. Hevur tú aðrar spurningar ella ivamál um Stenoskjáttuna, kanst tú venda tær til Steno Miðstøðina við at ringja til ambulatoriið í telefontíð ella skriva til steno@ls.fo.  

Les meira um Viðgerð av tínum dátum - Sjúkrahúsverkið.