Landssjúkrahúsið

Endoskopi

Endoskopiin virkar undir skurðgongini og ger ymsar kikarakanningar av sodningarlagnum. 

Tú fært ávísing frá egnum lækna til endoskopi, og fært síðan eina tíð í Mínboks ella við post. Um tað ikki ber til at koma til ásettu tíð, er umráðandi at siga frá sum skjótast, so møguleiki er at innkalla annað fólk. Um tú hevur móttikið hetta skriv í Mínboks, ber til at svara og samskifta umvegis Mínboks. Somuleiðis ber til at senda teldupost til skurdinfo@ls.fo.  

 Niðanfyri kanst tú lesa um kanningarnar, ið verða gjørdar á endoskopi eindini. 

Gastroskopi

Trýst á teigarnar niðanfyri fyri at lesa meir um gastroskopi. 

Hvat er gastroskopi

Gastroskopi er ein kikarakanning av vælindi, magasekki og tólvfingurtarmi. Læknin sær rovuna, og um broytingar eru. Gjøgnum eina kanal í kikaranum, ber til at taka vevna frá til kanningar.

Fyrireiking til kanningina

Tað er umráðandi, at magasekkurin er tómur áðrenn kanningina. Tú mást ikki eta 4 tímar áðrenn kanningina, men kann drekka vatn/saft 2 tímar áðrenn. Ikki drekka mjólk.

Heilivágur

Lívsneyðugur heilivágur kann takast ikki seinni enn 2 tímar áðrenn kanningina saman við einum glasi av vatni. Annar heilivágur má bíða til eftir kanningina. 

Hevur tú insulinkrevjandi sukursjúku og hevur spurningar, ert tú vælkomin at seta teg í samband við deildina.

Set teg í samband við okkum, um tú tekur blóðtinnandi heilivág. 

Kanningin

Sjálv kanningin tekur 5-15 min. Tú verður lagdur á eina legu - á vinstru lið. Ein slanga (til tjúgdar sum lítlifingurin) verður førd inn í munnin og niður í magan.

Hetta kann gera, at tú fær vaml og tekur á at spýggja, men tað gongur yvir, tá slangan er komin niður í magan.

Fyri at síggja so væl, sum til ber, verður luft blást gjøgnum kikaran, hetta kann geva eitt sindur av magapínu. Luftin verður sogin út aftur, áðrenn kanningin er liðug. 

Fyri at minka um vaml, er tað umráðandi, at tú andar róligani, meðan kanningin verður gjørd.Slangan skal niður í vælindið og ávirkar ikki luftrørið.

Eftir kanningina

Læknin kann beinanvegin siga tær, hvat hann hevur sæð, og møguliga seta teg í viðgerð. Er vevnaður tikin frá, ganga 1-2 vikur til svar er komið, og verður tá tosað við læknan um møguliga viðgerð. 

Eftir kanningina kanst tú vera sárur og eymur í hálsinum. Somuleiðis kanst tú hava luft í búkinum og møguliga leyst lív.

Fært tú sterka magapínu, blóð ella svarta spýggju, skalt tú venda 
tær til kommunulæknan ella vaktlækna.

Koloskopi

Koloskopi er ein kikarakanning av langanum. Læknin, sum ger kanningina, sær tarmrovuna og um broytingar eru.

Hvat er koloskopi

Koloskopi er ein kikarakanning av langanum. Læknin, sum ger kanningina, 
sær tarmrovuna og um broytingar eru. Ígjøgnum eina kanal í kikaranum, 
ber til at taka vevna frá til kanningar

Heilivágur

Um tú tekur heilivág, skalt tú taka hetta sum vanligt. Tekur tú jarntablettir, 
skal tú gevast við hesum 4 dagar, áðrenn tú byrjar við úttømingini.
Hevur tú insulinkrevjandi sukursjúku ella tekur blóðtynnandi heilivág, skalt 
tú seta teg í samband við okkum áðrenn kanningina.

Kanningin

Sjálv kanningin tekur ½-1 tíma.
Tú verður lagdur á eina legu - á vinstru lið.
Ein slanga (uml. á tjúkd við tummilin) verður førd inn í baktarmin og upp í 
langan.
Fyri at síggja tarmrovuna verður luft blást inn í tarmin undir kanningini. 
Hetta kann spenna, pressa og geva magapínu.

Fyrireiking til koloskopi

Tað er umráðandi, at tarmurin er væl tømdur, so tarmrovan sæst so væl sum til ber.
Tú skal keypa Picoprep, sum fæst í hondkeyp á Apotekinum og fylgja 
vegleiðingini niðanfyri.
Beint undan kanningini verður eitt katetur lagt í eina æðr í arminum, so tað er 
møguleiki at geva doyvandi og pínustillandi heilivág undir kanningini.

Tømingin ger, at tú fært diarré (kann virka innan 3 tímar). Tú kanst fáa 
vaml og høvuðpínu av tømingini.


Tveir dagar undan kanningina skalt tú taka 2 tbl dulcolax kl 12.00 og 
kl 22.00 — er pakkað saman við Picoprep. Et ikki grovt breyð, ella frukt 
við kjarnum, annars vanligan kost. Drekk ríkiligt, 2-3 litrar um døgnið. 
(Vatn, saft, juice, te og kaffi).


Dagin fyri kanningina, skalt tú ikki eta fasta føði, ella drekka 
mjólkarúrdráttir. Tú kanst fáa tunnar vætur sum eru: (Aspargessuppa 
o.l. uttan fyllu, saft/juice, uttan fyllu, sodavatn, vatn, te og kaffi)
Tað er av týdningi, at tú drekkur ríkiligt allan dagin, gjarna søtar 
vætur (ikki light/sukurfrítt). Er eisini galdandi fyri tey, ið hava 
sukursjúku.
Kl 15.00:
-Fyll eitt glas við køldum vatni
-Koyr annað brævið av Picoprep í
-Rør blandingina í 2-3 min. Tá tað ikki brúsar, er blandingin liðug. 
Blandingin er ráhvít/óklár og gerst lunkað. Drekk hetta innan 15 min.
Tað er týdningarmikið at drekka ríkiligt, minst 1 litur, innan fáar tímar, 
aftaná hvørt brævið av picoprep.
Kl 21.00: Blanda næsta brævið av Picoprep á sama hátt, sum kl 15.00 , 
sí omanfyri.
Drekk ríkiligt, eisini kanningardagin.


Kanningardagin (2 tímar undan kanningini) skalt tú eta eina breyðflís, 
gjarna við páleggi og ein te/kaffimunn. Hetta er ikki galdandi, um tú skal 
til gastroskopi sama dag, tí tá skal tú fasta í 4 tímar áðrenn kanningina.

Eftir kanningina

Tú kanst verða plágaður av luft í tarmunum restina av degnum.

Læknin kann beinanvegin siga tær, hvat hann hevur sæð. Er vevnaður 
tikin frá til kanningar, ganga 1-2. vikur, til svarið er komið. Avtalað 
verður, hvussu tú fært svar.
Hevur tú fingið doyvandi heilivág, mást tú ikki koyra bil restina av 
degnum. Heilivágurin ger eisini, at tú møguliga ikki minnist alt frá 
kanningini.
Fært tú sterka magapínu, varnast blóð í opningi ella frískt blóð frá 
baktarminum, skal tú venda tær til skaðastovuna ella vaktlæknan.

Sigmoideoskopi
Hvat er sigmoideoskopi?

Aigmoideoskopi er ein kikara kanning av niðasta parti av langanum. Læknin, sum ger kanningina, sær tarmrovuna og um broytingar eru. 

Gjøgnum eina kanal í kikaranum ber til at taka vevna frá til kanningar.

Fyrireiking til kanningina

Tað er umráðandi, at tarmurin er væl úttømdur, so tarmrovan sæst best møguligt. Tú skalt keypa Toilac kombipakka, sum fæst í hondkeyp á Apotekinum og fylgja vegleiðingini, sum stendur aftanfyri á pakkanum. 

Tú kanst eta sum vanligt

Tekur tú blóðtinnandi heilivág, skalt tú seta teg í samband við okkum áðrenn kanningina. 

Kanningin

Kanningin tekur umleið 20 minuttir. Tú verður lagdur á eina legu - á vinstru lið. Ein slanga (uml. a tjúgd við tummilin) verður førd inn í baktarmin og upp í langan. 

Fyri at síggja tarmrovuna, verður luft blást inn í tarmin, hetta kann spenna, pressa og geva magapínu. 

Tað er ymiskt, hvussu leingi kanningin tekur, og tí kann tað verða bíðitíð. 

Eftir kanningina

Læknin kann beinanvegin siga tær, hvat hann hevur sæð og seta teg í viðgerð, um neyðugt. Er vevnaðurin tikin frá til kanningar ganga 1-2 vikur til svar kemur, og tá verður tosað við læknan um víðari viðgerð. 

Tú kanst vera plágaður av luft í tarminum restina av degnum. Fært tú sterka magapínu, varnast blóð í opninginum ella fríkst blóð frá baktarminum, skalt tú venda tær til kommunulæknan ella læknavaktina. 

Hevur tú fingið doyvandi heilivág, mást tú ikki koyra bil restina av degnum. Heilivágurin ger eisini, at tú møguliga ikki minnist alt frá kanningini.

ERCP



Hvat er ERCP?

ERCP er ein kikarakanning, har læknin sær útmunnan frá gallagongd og búkspýttskertli. Fyri at síggja gallagongina á røntgenmynd, verður kontrastevni sprænt gjøgnum eina kanal í kikaranum.
Tað ber eisini til at arbeiða við instrumentum gjøgnum kikaran.

Fyrireiking til kanningina

Tað er umráðandi, at magin er tómur, tá kanningin verður gjørd. Tú skalt tí fasta 4 tímar undan kanningini. Tú skalt ikki eta ella roykja, men kanst drekka vatn/saft upp til 2 tímar undan kanningini - ikki mjólk. 

Tú møtir fastandi á deildini, har tú fært eina song og klæðir. Blóðroyndir skulu vera tiknar, áðrenn kanningin verður gjørd. Eitt katetur verður lagt í høgru hond til doyvandi og pínustillandi heilivág, ið verður givið, meðan kanningin fer fram.

Heilivágur

Um tú tekur heilivág fast, skal tú hava hann við, so tú kanst fáa 
heilivág eftir kanningina.
Hevur tú insulinkrevjandi sukursjúku, ella tekur blóðtynnandi 
heilivág, skal tú seta teg í samband við deildina.

Kanningin

Kanningin fer fram á røntgendeildini á 2 hædd.
Undir kanningin skal tú liggja á røntgenleguni í læstari 
síðulegu. Fram eftir rommum.
Kikarin verður førdur inn í munnin og niður í 
tólvfingratarmin, til útmunnan av gallagond og búkspýtkertli.
Luft verður blást niðir í magan, og hetta kann kennast sum 
spenningur og geva kenslu av at skula ropa.

Aftaná kanningina

Tú verður koyrdur aftur á songjardeildina í songini. 
Heilivágur, ið verður givið undir kanningini, ger at tú verður 
linur restina av degnum.
Tað ganga umleið 3 tímar, áðrenn tú fart nakað til matna 
aftur.
Vanliga verður tú útskrivaður sama kvøld ella dagin eftir. 
Tú má ikki koyra bil hendan dagin. 
Tú kanst føla teg sáran í hálsinum, hetta svinnur eftir 1-2 
dagar.
Skuldi tú fingið fepur og pínu í búkinum, skalt tú venda tær til 
kommunulæknan ella vaktlæknan.

Samband

Deild

Endoskopi
B2

Vitjanartíð

Deildin er opin yrkadagar kl. 8-16

Leiðandi starvsfólk

Guðrun Setberg Lindenskov , Deildarleiðari
gudli@ls.fo
Margretha Kjærbæk , varaleiðari
lsmarkj@ls.fo

Hent kunning

Leiðbeining

Leiðbeiningin liggur við høvuðsdyrnar í forhøllini á Landssjúkrahúsinum. 

Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.

Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.


Tel. 304500

Teldupostur: leidbeining@ls.fo

Parkering

Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.

Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.

Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar. 

Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð. 

Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.

Matur

Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim.

Heitur matur
Gerandisdagar kann heitur matur keypast til døgurða, umframt okkurt omaná. Sí dagsins rætt her.
Døgurði er at fáa ímillum kl. 11:30 og 13:00.

Salat barr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salat barrin er sjálvtøka og er opin frá kl. 11:30 – 16:30.

Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30

Blómur

Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki. 

Internet

Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.

Sosialir miðlar

Landssjúkrahúsið brúkar bæði Facebook og Instagram til leggja tíðindi, myndir, kunning og størv út til tykkum at síggja.

Tit eru vælkomin at fylgja við. 

Royking

Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.

Gisting

Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini.  Tað sama er galdandi fyri avvarðandi. 

Gestalonin á Landssjúkrahúsinum er staðsett á Eiragarði 4. 

Les meira um Gestalonina her.

Send viðmerkingar ella hugskot til okkum fyri at betra um virksemið í Sjúkrahúsverkinum
Rís og rós