10 Medisinsksongjadeild 7
Landssjúkrahúsið

Medisinsk seingjadeild

Á Medisinska deplinum eru tríggjar seingjardeildir: B6, B7 og B8. Seingjardeildirnar taka ímóti akuttum og planløgdum sjúklingum, sum hava tørv á útgreinan, viðgerð og sjúkrarøkt. Deildirnar arbeiða í tøttum samstarvi við tey ambulatorii, sum hoyra til sergreinarnar á deildini, umframt fysioterapeut, kostráðgeva og læknaskrivara. Á B7 er tvørfakligt viðgerðartoymi við lækna, sjúkrarkøtkarførðingi, heilsurøktara, ergoterapeuti, fysioterapeuti, logopedi, neuropsykologi, kostráðgeva og skrivara. Tilsamans 39 seingjarpláss eru á teimum trimum medisinsku seingjardeildunum.

B6 fevnir um sergreinarnar krabbameinssjúkur, palliatión, nýrasjúkur, giktasjúkur, infektiónsmedisin, livur, maga- og tarmsjúkur, diabetes og stoffskiftissjúkur, blóðsjúkur og húðsjúkur. Á B6 eru 17 songjarplássum, har tvey pláss eru sett av til palliativa røkt og viðgerð.

Á B7 verður tikið í móti akuttum sjúklingum við apopleksi, elektivum ambulantum sjúklingum og øðrum nerurologiskum sjúkum sum m.a. sklerosa, parkinson, ALS og epilepsi, umframt aðrar medisinskar sergreinar. Endurvenjing er ein týðandi partur av viðgerðini. Á B7 eru 10 seingjardeild, harav tvey eru til akuttar sjúklingar og átta eru apopleksi endurvenjingarpláss.

B8 fevnir um sergreinarnar hjarta- og lungasjúkur. Seingjardeildin tekur ímóti akuttum og planløgdum sjúklingum við hjarta- og lungasjúkum. Deildin hevur 12 seingjarpláss.

Vælkomin a Medisinsku seingjadeildirnar.

Um Medisinska depilin

Medisinski depilin viðger medisinskar sjúkur og tekur sær av viðkomandi kanningum. Á Medisinska deplinum eru serøkini hjartasjúkur, lungnasjúkur, heilabløðing, heilatøppar og sjúkur í nervalagnum, nýrasjúkur, giktasjúkur, stoffskiftissjúkur, diabetes, maga- og tarmsjúkur, krabbameinssjúkur, blóðsjúkur, húðsjúkur og infektiónsmedisin.

Medisinski depilin fevnir um tríggjar medisinskar seingjardeildir, medisinskt ambulatorium og eina fyrisitingarliga eind.

Á Medisinska deplinum starvast áleið 200 starvsfólk.

Leiðandi sjúkrarøktarfrøðingur, Birna Mohr Joensen, og leiðandi yvirlækni, Jan Rasmussen, mynda í felag depilsleiðsluna á Medisinska deplinum.

Samband

Deild

Medisinsk seingjadeild
J. C. Svabosgøta, 41-49
Bygningur B, hædd 6

Vitjanartíð

Kl. 15:00-16:00 og 19:00-20:00

Leiðandi starvsfólk

Guðni Remberg , deildarleiðari
Elisabeth M. Hjaltalin , funktiónsleiðari
Katrin á Lakjuni , deildarleiðari

Hent kunning

Leiðbeining

Leiðbeiningin liggur við høvuðsdyrnar í forhøllini á Landssjúkrahúsinum. 

Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.

Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.


Tel. 304500

Teldupostur: leidbeining@ls.fo

Parkering

Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.

Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.

Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar. 

Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð. 

Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.

Matur

Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim.

Heitur matur
Gerandisdagar kann heitur matur keypast til døgurða, umframt okkurt omaná. Sí dagsins rætt her.
Døgurði er at fáa ímillum kl. 11:30 og 13:00.

Salat barr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salat barrin er sjálvtøka og er opin frá kl. 11:30 – 16:30.

Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30

Blómur

Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki. 

Internet

Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.

Sosialir miðlar

Landssjúkrahúsið brúkar bæði Facebook og Instagram til leggja tíðindi, myndir, kunning og størv út til tykkum at síggja.

Tit eru vælkomin at fylgja við. 

Royking

Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.

Gisting

Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini.  Tað sama er galdandi fyri avvarðandi. 

Gestalonin á Landssjúkrahúsinum er staðsett á Eiragarði 4. 

Les meira um Gestalonina her.

Send viðmerkingar ella hugskot til okkum fyri at betra um virksemið í Sjúkrahúsverkinum
Rís og rós