Søkt verður eftir læknaskrivara/skrivara til Eygnadeildina á Landssjúkrahúsinum
Skurðdepilin á Landssjúkrahúsinum lýsir eftir einum skrivara til Eygnadeildina, til farloyvistarv á brøki 0,9 at byrja skjótast gjørligt.
Eygnadeildin virkar undir Skurðdeplinum á Landssjúkrahúsinum og á deildini starvast 3 eygnalæknar, 5 sjúkrarøktarfrøðingar og 3 skrivarar.
Vit leggja dent á gott samstarv og hugna í tí dagliga
Arbeiðsuppgávur í høvuðsheitum
- Móttøka og skráseting av sjúklingum
- Samskifti við sjúklingar og onnur
- Avgreiðsla av teldupostum, bóka tíðir og annað
- Skriva journalir
- Tætt samstarv við hinar fakbólkarnar á deildini
Skipanir, ið verða nýttar, eru Cosmic, Mirsk, Outlook og word.
Førleikar
- Viðkomandi útbúgving, so sum læknaskrivara, skrivstovufólk ella líknandi
- Arbeiðir á ein skipaðan hátt og hevur gott yvirlit
- Arbeiðir sjálvstøðugt og tolir skiftandi arbeiðsuppgávur
- Ert tænastusinnað/ur og hevur góð samstarvsevni
- Hevur góðan málsligan førleika
- Hevur góðan telduførleika
- Royndir innan økið er ein fyrimunur
Vit kunnu bjóða
- Felags innleiðslu og upplæring
- Eitt gott arbeiðsumhvørvi við góðum starvsfelagum
- Fakliga skikkaðar og virknar starvsfelagar
Lønar- og setanartreytir sambært sáttmála millum Fíggjarmálaráðið og Starvsfelagið.
- Nærri upplýsingar um starvið fáast við at venda sær til Malan Holm, eygnalækni,teldupost:malho@ls.fo
Umsóknarfreistin er 21. juni 2026.
Søk starvið her
Upprunaprógv fyri útbúgving og viðmælir skulu havast við til møguliga samrøðu. Á okkara heimasíðu www.ls.fo kann ein síggja okkara visjón, missión og strategimál, undir leinkjuni “um stovnin”.