Ambulansuviðgeri til Sjúkraflutningstænastuna á Klaksvíkar Sjúkrahúsi

Sjúkraflutningstænastan á Klaksvíkar Sjúkrahúsi søkir eftir einum útbúnum ambulansuviðgera. 

 Talan er um eitt farloyvisstarv frá 1. oktober 2025 til 31. august 2026.
 
Sjúkraflutningstænastan er ein deild við nógvum ymiskum uppgávum. Ein av høvuðsuppgávunum er at vera ein bráðfeingishjálp í samband við lívbjargandi arbeiði. Harnæst er uppgávan flutningur av sjúkum og skaddum fólki og fólkum, ið eru rørslutarnað. Eisini hevur Sjúkraflutningstænastan ábyrgd av øllum portørarbeiði, ið er inni á sjúkrahúsinum. Alt hetta setir stór krøv til starvsfólkið, 
sum mangan kemur at arbeiða undir serstøkum umstøðum. 

Í løtuni starvast 10 fólk hjá Sjúkraflutningstænastuni. Deildin hevur 2 sjúkrabilar, umframt 3 bilar til onnur endamál. Túratalið er uml. 2.500 túrar árliga. 

Sjúkraflutningstænastan krevur, at øll starvsfólk skulu til eina praktiska roynd í lívbjargandi arbeiði eina ferð um árið, fyri at tryggja at tænastan veitir eitt dygdargott arbeiði. 

Vit vænta, at tú
 ert tænastusinnað/ur, fyrikomandi og hevur góð samstarvsevni 
 hevur virðiliga framferð, bæði yvir fyri sjúklingum, starvsfeløgum og leiðslu 
 ert fyrikomandi og hevur góð samstarvsevni 
 Hevur góðar sosialar/menniskjaligar eginleikar 
 sært avbjóðingar fram um avmarkingar 
 hevur evni til at orða teg bæði munnliga og skrivliga 
 tekur ábyrgd og arbeiðir sjálvstøðugt 
 ert fús/ur til at broyta teg við nútíðini 
 virðir starvsfólkapolitikkin og virðisgrundarlagið hjá Sjúkrahúsverkinum, og lýkur tey krøv, ið verða sett (stovnurin setur) í mun til at skapa eitt umhvørvi við trivnaði og menning í hásæti 

Dentur verður lagdur á
 menniskjaligar eginleikar 
 at tú megnar at umstilla teg og taka við nýggjum avbjóðingum 
 koyrikort til bólk D 
 reina revsiváttan 
 1. hjálparprógv 
 góða heilsu og fysik 
 dugir at miðla vitan bæði til starvsfelagar og aðrar starvsbólkar 
 telduførleika á brúkarastøði 

Vit bjóða 
 felags innleiðslu og upplæring á deildini 
 fakliga kompetentar og virknar starvsfelagar 
 tvørfakligt samstarv 
 ein fakliga spennandi og mennandi gerandisdag 
 eitt dynamiskt arbeiðspláss við fjølbroyttum avbjóðingum 

Royndartíðin er 3 mánaðar. 

Bert tey, ið verða innboðin til samrøðu, skulu hava læknaváttan og reina revsiváttan. Samrøður og fysiska royndin verða í viku 36 í 2025. 

Løn- og setanartreytir eru smb. sáttmála millum Fíggjarmálaráðið og Starvsfelagið. 

Nærri fæst at vita við at venda sær til Allan Joensen, deildarleiðara, tlf. 232350, teldupost: allan@ks.fo

Umsókn saman við prógvi og møguligum viðmælum, skal sendast til umsokn@ks.fo

Umsóknarfreistin er 24. august 2025 

Tú kann lesa meira um Sjúkrahúsverkið á www.sjukrahus.fo