Veitst tú, at tú kanst klaga?
Tað eru ymiskir klagu- og kærumyndugleikar, sum taka sær av klagumálum um sjúkrahusverkið, alt eftir hvat klagað verður um.
Sí faldara her, sum í stuttum greiðir frá klagu- og kærumøguleikum í heilsuverkinum.
Ynskir tú neyvari kæruvegleiðing, so ert tú vælkomin at seta teg í samband við Stjórnarskrivstovuna á Landssjúkrahúsinum á t-post ls@ls.fo ella á tlf. 304592.
Tørvar tær hjálp til at kæra, hevur tú møguleika at seta teg í samband við Rættarhjálpina.
Klagur um heilsufakligt virksemi, heilsustarvsfólk og noktandi innlit í sjúkujournal
Klagumyndugleiki er Styrelsen for Patientklager, sum viðgerð klagur um heilsufakligt virksemi, heilsustarvsfólk ella noktandi innlit í sjúkujournal.
Sí kunning á heimasíðu teirra her.
Sí vegleiðing á føroyskum her.
Sí klaguskema her.
Gevið gætur at kærufreistin er 2 ár eftir, at sjúklingurin fann útav – ella burdi havt funnið útav – um tað, sum kært verður um. Um tað eru gingin meira enn 5 ár síðan, hendingin hevur funnið stað, er málið fyrnað.
Freistin at kæra um noktað innlit í sjúklingajournal er 2 ár eftir, at sjúklingurin fekk noktandi svar uppá innlitisumbønina.
Fíggjarligt endurgjald fyri skaða ella mein, sum avleiðing av kanning ella viðgerð
Til ber at leggja endurgjaldsmál fyri Patienterstatningen, um mett verður, at sjúklingur hevur fingið skaða ella mein av kanning ella viðgerð í sjúkrahúsverkinum.
Sí kunning á heimasíðu teirra her.
Sí klaguskema her.
Gevið gætur at kærufreistin er 3 ár eftir, at sjúklingurin fann útav – ella burdi havt funnið útav – at viðkomandi hevur fingið ein skaða. Um tað eru gingin meira enn 10 ár, síðan sjúklingurin var í viðgerð, er málið fyrnað.
Klagur um tvingsil í psykiatriini
Kærast kann til Psykiatrisku Sjúklingakærunevndina hjá Føroya Kærustovni, um persónur í sambandi við innlegging á psykiatrisku deild verður útsettur fyri tvingsli.
Sí kunning á heimasíðuni hjá Føroya Kærustovni her.
Klagur um fyrisitingarligar avgerðir
Kærast kann til Føroya Kærustovn um fyrisitingarligar avgerðir tiknar í sjúkrahúsverkinum.
Sí kunning á heimsíðuni hjá Føroya Kærustovni her.
Gevið gætur at kærast skal innan 4 vikur, eftir at kærari hevur fingið fráboðan um avgerðina.
Klagur um fyrisitingarliga málsviðgerð
Klagast kann til Løgtingsins Umboðsmann um, hvussu fyrisitingarlig málsviðgerð er farin fram í sjúkrahúsverkinum.
Sí kunning á heimasíðu teirra her.
Fulltrú, um tú umboðar ein sjúkling
Um tú kærir ella umbiður innlit í sjúkujournal vegna ein sjúkling, skal viðkomandi veita tær fulltrú. Sí skjal um fulltrú her.
Gera vart við tænastustøðið
Um tú ynskir at gera vart við ónøgdsemi í sambandi við røkt ella tænastustøðið í Sjúkrahúsverkinum, kann skriv sendast beinleiðis til sjúkrahúsleiðslu á ávikavist Landssjúkrahúsinum, Klaksvíkar Sjúkrahúsi ella Suðuroyar Sjúkrashúsi.
Send ein t-post til ls@ls.fo , ks@ks.fo ella ssh@ssh.fo og skriva, hvønn klagan er stílað til.