Fulltrúi til fíggjardeildina á Landssjúkrahúsinum
Farloyvisstarv á fíggjardeildini á Landssjúkrahúsinum.
Søkt verður eftir einum úrslitasøkjandi fulltrúa til fíggjardeildina. Viðkomandi kemur at vera við til at knýta enn meira samband millum virksemið á sjúkrahúsinum og fíggjarkarmarnar. Tann, sum verður settur, fer at hava eitt natúrligt samband við leiðslurnar á deplunum og geva teimum hollan stuðul í sambandi við fíggjarstýring. Fulltrúin fer annars at arbeiða við verkætlanum innan fíggjarøkið, sum fevna tvørturum deplar og deildir.
Í fíggjardeildini arbeiða 11 fólk, harav 3 fulltrúar sum m.a. arbeiða við fíggjarstýring og menningin innan fíggjarøkið. Økið fevnir um fíggjarstýring av Landssjúkrahúsinum og teimum stovnum, sum eru knýttir at hesum. Fíggjardeildin tekur sær eisini av málsviðgerð og ráðlegging, sum hevur samband við fíggjarlig viðurskifti, herundir at veita tænastu til sjúkrahúsleiðslu, depilsleiðslur og aðrar leiðslur.
Talan er um farloyvisstarv, at byrja skjótast gjørligt, og er setanin tíðaravmarkað til 1 ár.
Arbeiðsuppgávur
- Arbeiða við at tryggja skynsama nýtslu av játtan saman við deildarleiðarum, depilsleiðslum og stjórn
- Innaneftirlit / kontrolling
- Menna arbeiðsgongdir, millum annað við vitlíki og øðrum amboðum
- Fíggjarbókhald og aðrar bókhaldsuppgávur
Førleikar
Tú hevur eina langa ella miðallanga útbúgving frá hægri lærustovni, eitt nú innan búskaparfrøði. Útbúgving ella royndir innan talgildan av mannagongdum er ein fyrimunur, men ikki eitt krav.
Tú hevur fíggjarligt tev, dugir at arbeiða við hagtølum og ert "analytisk/ur" og hevur áhuga fyri hesum. Tú dugir at arbeiða sjálvstøðugt, at veita eina góða tænastu og at miðla vitan til starvsfelagar og aðrar starvsbólkar.
Lønar- og setanartreytir sambært sáttmála millum Fíggjarmálaráðið og avvarðandi yrkisfelag.
Tú kemur at starvast í einum fakligum og mennandi arbeiðsumhvørvi við áhugaverdum og fjølbroyttum uppgávum. Tú skalt trívast í einum ferðmiklum gerandisdegi, har tú arbeiðir við nógvum ymiskum uppgávum.
Sum persónur ert tú álítandi, fyrikomandi og hevur jaligan hugburð. Vit vænta, at tú ert fleksibul og røkin.
Nærri upplýsingar um starvið fæst við at venda sær til Inga Mittún, Fíggjar- og KT deildarstjóra, á telduposti: im@ls.fo ella á telefon +298 211800.
Umsóknarfreistin er 27. oktober 2026
Vinarliga søk starvið her.
Her kanst tú lesa um okkara visjón, missión og strategimál.
Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar Sjúkrahús og Suðuroyar Sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð.
Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum.
Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.