Ergo- og fysioterapi á Klaksvíkar Sjúkrahúsi

Sjúkrahúslækni metur um tørv og sendir ávísing.

Undir innleggjan verður dentur lagdur á at fyribyrgja førleikamiss og at endurvinna mistan førleika. Vant verður eftir tørvi og tí endurvenjingarpotentiali, ið sjúklingurin hevur. Endurvenjingin/venjingin verður skipað av fysioterapeuti, ergoterapeuti og psykomotoriskum terapeuti, í tøttum samstarvi við starvsfólk á seingjardeildini og kostfaklærd starvsfólk. Áðrenn sjúklingurin verður útskrivaður, verður mett um tørvur er á hjálpartólum, og um neyðugt, verður heimavitjan gjørd. Um tørvur er á tí, verða hjálpartól bíløgd.

Eftirmeting verður gjørd og endurvenjingarætlan útflýggjað.

Tað er ávíkavist Almannaverkið og kommunalu samtøkini, ið varða av venjing eftir útskrivan. Móttakandi geiri verður kunnaður og endurvenjingarætlan send teimum, um tørvur er á víðari endurvenjing.

Sjúkrahúslækni ella serlækni metur um tørv og sendir ávísing. 

Undir innlegging verður vant 2 ferðir um dagin ella eftir tørvi. Endurvenjingin verður skipað av ergo- og fysioterapeuti. 

Eftirmeting verður gjørd og endurvenjingarætlan verður útflýggjað.

Útfrá eftirmetingini verður støða tikin til, um uppfylgjandi endurvenjing í eitt ávíst tíðarskeið verður skipað á Klaksvíkar Sjúkrahúsi. Tað er serlækni á økinum, sum tekur hesa avgerð og sendir ávísing.

Liðugt viðgjørdir sjúklingar hava møguleika, um tørvur er á tí, at søkja Almannaverkið ella kommunalu samtøkini um framhaldandi venjing. Umsóknarbløð og kunning um venjingartilboð eru at finna á heimasíðum teirra.

Treytin fyri yvirflyting í fasu 2 er, at sjúklingurin er stabilur og medisinskt reguleraður. Visitatiónsfundur við B7 á Landssjúkrahúsinum er hvønn hósdag, har aktuellir sjúklingar verða umrøddir. Støða verður tikin til, hvør verður yvirfluttur næst og tíðarætlan verður løgd. Áðrenn yvirflyting er ein videofundur millum sjúklingin, saman við avvarðandi, og rehabiliteringstoymið á Landssjúkrahúsinum og rehabiliteringstoymið á Klaksvíkar Sjúkrahúsi. Sama mannagongd verður fylgd, um sjúklingur verður yvirfluttur frá sjúkrahúsi uttanlanda.

Tvørfaklig innleggingarsamrøða er við sjúklingin og avvarðandi. Kontaktpersónar verða settir á og mál fyri rehabiliteringina verður sett.  Síðan verður rehabiliteringin sett í verk. Tað verður vant 2 ferðir um dagin, bæði við fysio- og ergoterapeuti, allar gerandisdagar. Aðrir fakbólkar, so sum logopedur, neurosálarfrøðingur og kostfakligt starvsfólk taka lut í rehabiliteringini, um tørvur er á tí. Tvørfakligur fundur er eina ferð um vikuna og umleið eftir 4 vikum er miðvegisfundur, har sjúklingurin, avvarðandi og rehabiliteringstoymið eru til staðar. Útskrivingarsamrøða er umleið 2 vikur áðrenn útskrivan.

Áðrenn sjúklingurin verður útskrivaður, verður mett um tørvur er á hjálpartólum, og um neyðugt verður heimavitjan gjørd. Um tørvur er á tí, verða hjálpartól bíløgd.

Eftirmeting verður gjørd og endurvenjingarætlan verður útflýggjað. Móttakandi geiri verður kunnaður og endurvenjingarætlan send teimum, um tørvur er á víðari endurvenjing. 

Tað er ávíkavist Almannaverkið og kommunalu samtøkini, ið varða av venjing eftir útskrivan. Umsóknarbløð og kunning um venjingartilboð, eru at finna á heimasíðum teirra.

Treytin fyri luttøku er, at tú ert ávístur av kommunulækna ella serlækna í ryggsjúkum.

Endurvenjingin verður skipað í bólki við 8 luttakarum, og vant verður tríggjar ferðir um vikuna í 8 vikur. Hetta verður skipað av fysioterapeuti, ergoterapeuti og psykomotoriskum terapeuti.

Ein eftirmeting verður gjørd, og tú fært útflýggjað eina endurvenjingarætlan.

Um tørvur er á tí, kanst tú luttaka aftur á endurvenjingarskeiði. Treytin fyri luttøku er tann sama, at tú ert ávístur av nýggjum av kommunulækna ella serlækna í ryggjasjúkum.

Treytin fyri luttøku er ávísing frá serlækna á økinum.

Endurvenjingin verður skipað ein til ein ella í bólki við 6 luttakarum. Endurvenjingin fer fram tvær ferðir um vikuna í eitt avmarkað tíðarskeið, og verður skipað av fysioterapeuti.

Eftirmeting verður gjørd og endurvenjingarætlan verður útflýggjað.

Verður fylgt upp av ávísandi lækna.

Treytin fyri luttøku er ávísing frá serlækna.

Endurvenjingin verður skipað ein til ein, í bólki við 6 luttakarum ella í heittvatnshyli. Endurvenjingin fer fram 2 ferðir um vikuna í eitt avmarkað tíðarskeið og verður skipað av fysioterapeuti og ergoterapeuti.

Eftirmeting verður gjørd og endurvenjingarætlan verður útflýggjað.

Verður uppfylgt av ávísandi lækna. 

Treytin fyri luttøku er ávísing frá serlækna á økinum.

Endurvenjingin verður skipað ein til ein. Endurvenjingin fer fram 2-3 ferðir um vikuna, ella eftir fakliga mettum tørvi, í eitt avmarkað tíðarskeið. Endurvenjingin verður skipað av ergoterapeuti.

Eftirmeting verður gjørd og endurvenjingarætlan verður útflýggjað.

Verður fylgt upp av ávísandi lækna.

Um tú hevur fingið staðfest ávísa giktasjúku, nýtist tær bert at verða ávístur av kommunulækna. Um tú ert undir útreiðan fyri giktasjúku, nýtist ávísing frá serlækna í giktasjúkum.

Endurvenjingin verður skipað í bólki við 8 luttakarum og er 3 ferðir um vikuna í 8 vikur. Endurvenjingin verður skipað av fysioterapeuti og ergoterapeuti.

Ein eftirmeting verður gjørd, og tú fært útflýggjað eina endurvenjingarætlan.

Um tørvur er á tí, kanst tú luttaka aftur á endurvenjingarskeiði. Treytin fyri luttøku er, at tú ert ávístur av nýggjum av kommunulækna ella serlækna í giktasjúkum.

Treytin fyri luttøku er, at tú ert ávístur av hjartalækna.

Venjingin verður skipað í bólki við umleið 6 luttakarum. Venjingin fer fram 3 ferðir um vikuna í 12 vikur. Venjingin verður skipað av fysioterapeuti og heilsurøktara.

Eftirmeting verður gjørd og endurvenjingarætlan útflýggjað.

Kardiologisk deild á Landssjúkrahúsinum fylgir upp uppá tann medisinska partin. Í samstarvi við Almannaverkið og kommunalu samtøkini kann søkjast um uppfylgjandi venjing har, um tørvur er á tí. Í tí sambandi verður endurvenjingarætlanin send teimum. 

Treytin fyri luttøku er, at tú ert ávístur av lungalækna.

Venjingin verður skipað í bólki við umleið 6 luttakarum. Venjingin fer fram 2 ferðir um vikuna í 12 vikur. Venjingin verður skipað av fysioterapeuti og heilsurøktara.

Eftirmeting verður gjørd og endurvenjingarætlan útflýggjað.

Lungaambulatoriið á Landssjúkrahúsinum fylgir upp uppá tann medisinska partin. Í samstarvi við Almannaverkið og kommunalu samtøkini, kann søkjast um uppfylgjandi venjing har, um tørvur er á tí. Í tí sambandi verður endurvenjingarætlanin send teimum.

Treytin fyri luttøku er, at tú ert ávístur av lækna á onkologisku deild.

Venjingin verður skipað í bólki við umleið 8 luttakarum. Venjingin fer fram 3 ferðir um vikuna í 12 vikur. Venjingin verður skipað av fysioterapeuti og psykomotoriskum terapeuti.

Eftirmeting verður gjørd og endurvenjingarætlan útflýggjað.

Onkologisk deild á Landssjúkrahúsinum fylgir upp uppá tann medisinska partin. Í samstarvi við Almannaverkið og kommunalu samtøkini, kann søkjast um uppfylgjandi venjing har, um tørvur er á tí. Í tí sambandi verður endurvenjingarætlanin send teimum.

Tað krevst ávísing frá kommunulækna ella serlækna. 

Viðgerðartilboðið er 2 ferðir um árið, í eitt avmarkað tíðarskeið hvørja ferð. Mett verður um tørv á stuðulssokkum/ermum/handskum. Mát verður tikið og tilfarið verður bílagt. Tilboðið verður skipað av fysioterapeuti við serkunnleika innan økið. 

Kunnandi tilfar verður útflýggjað.

Leypandi uppfylging í mun til broytingar og tilpassan av stuðulstilfari.

Hevur tú fingið staðfest MS, nýtist bert ávísing frá egnum lækna; hevur tú ikki fingið endaliga staðfest MS, krevst ávísing frá neurologi.

Skeiðið varar í 3 vikur, har tú fært bjóðað kost og logi á staðnum. Tað verður í høvuðsheitum vant í holdum, har fokus er á styrki, úthaldni, koordinatión, javnvág, ADL venjingar, kognitivar venjingar og avspenning. Umframt venjing eru ymisk upplegg, m.a. við logopedi, kostráðgeva, um hjálpartól o.a. Tvørfakliga toymið, sum er knýtt at skeiðnum er: neurologur, fysioterapeutar, ergoterapeutar, heilsurøktari og sálarrørsluviðgeri. 

Ein eftirmeting verður gjørd, og tú fært útflýggjað eina endurvenjingarætlan.

Um tørvur er á tí, kanst tú luttaka aftur á endurvenjingarskeiði. Treytin fyri luttøku er, at tú ert ávístur av nýggjum av kommunulækna ella neurologi.

Hetta er eitt endurvenjingartilboð til børn, ið hava CP ella aðrar kropsligar avbjóðingar. Ávísing frá barnalækna krevst bert fyrstu ferð, barnið luttekur. Annars kann kommunulækni ávísa til venjingartilboðið

Venjingartilboðið er tvær ferðir um árið, har vant verður hvønn gerandisdag í 3 vikur. Foreldur/verji verða eggjað til at taka lut í venjingunum. Soleiðis ogna tey sær ymiskar arbeiðshættir, sum stuðla undir menningina hjá barninum. Jaliga huglagið undir venjingunum gevur foreldrunum/stuðlum styrki og dirvi til at halda áfram við venjingunum heima ella á stovni, har venjingarnar leggjast inn í vanliga familjulívið og gerandisdagin annars. Á tann hátt verður hetta ikki bert ein venjingarháttur, men heldur ein nýggjur lívsháttur. 

Tilboðið verður skipað av Andreu Udvardy Sabroe, Petö-konduktøri, saman við ergo- og fysioterapeutum við serkunnleika innan økið. Andrea er upprunaliga úr Ungarn, men er í dag búsitandi í Danmark, har hon er eigari og leiðari av stovninum Conductive Education Program Copenhagen.

Eftirmeting verður gjørd og send foreldrum/verja. Eftirmetingin verður skjalfest í journal.

Útfrá eftirmetingini verður tilmælt, at venjingarnar halda áfram heima ella á stovni, har venjingarnar leggjast inn í vanliga familjulívið og gerandisdagin annars. Er áhugi at luttaka aftur, krevst nýggj ávísing frá kommunulækna.

Treytin fyri luttøku er, at ávísing er send okkum frá serlækna ella kommunulækna. Svimjiklæðir, handklæðir, hárshampoo og kropsshampoo fært tú á staðnum.

Venjingin verður skipað í bólki við 7 luttakarum. Venjingin fer fram 2 ferðir um vikuna í 12 vikur. Venjingin verður skipað av fysioterapeuti, psykomotoriskum terapeuti og heilsurøktara.

Eftirmeting verður gjørd.

Um tørvur er á tí, kanst tú luttaka aftur á endurvenjingarskeiði í heittvatnshyli. Treytin fyri luttøku er, at tú hevur nýggja ávísing.

Tað krevst læknaávísing til fyrstu viðgerð, og tú fært eina innkalling. Hevur tú verið áður, kanst tú ringja inn og biðja tær eina tíð. Hendan tænastan verður løgd til rættis av heilsurøktara á Klaksvíkar Sjúkrahúsi.

Sahva heldur til í starvsfólkabygninginum, sum liggur við síðuna av sjúkrahúsinum, niðan móti vegnum omanfyri sjúkrahúsið. Mett verður um tørv og avgjørt verður, hvør loysn tænir tær best. Tú verður kunnað/ur um arbeiðsgongdina og nær tú kanst rokna við at móttaka vøruna. Tænastan er skipað av autoriseraðum bandagisti og skómakara.

Alt eftir hvør tænasta skal veitast, kann tað verða neyðugt at møta meira enn eina ferð. Hesa kunning fært tú áðrenn tú fert heim.

Ein uppfylgjandi ætlan verður løgd. Um tær tørvar eina nýggja tíð ella tú hevur eitthvørt uppá hjarta, ert tú vælkomin at ringja til Ergo- og Fysioterapiina á tlf. 235476.