22 Røntgen 12
Landssjúkrahúsið

Røntgendeildin á Landssjúkrahúsinum

Røntgendeildin er partur av Diagnostiska depli, og ger nógvar ymiskar kanningar við hjálp av ymiskum tólum. Kanningarnar fevna um:

  • Røntgen kanningar
  • CT skanningar
  • MR skanningar
  • Ultraljóð skanningar
  • Gjøgnumlýsing (flouroscopi)
  • Kliniska mammografi
  • Mammografiscreening

Um tú skalt til kanning ella viðgerð á Røntgendeildini er neyðugt við ávísing frá kommunulækna, sjúkrahúslækna ella serlækna.

Børn
Er barn títt ávíst til kanning á Røntgendeildini, eru stórt sæð somu reglur galdandi sum omanfyri. Viðhvørt er tó neyðugt at møta á  Barnadeildini B5 til fyrireikingar áðrenn. Um so er, fáa tit nærri kunning um hetta, tá ið barnið verður innkallað.

Tað er týdningarmikið, at barn títt kennir seg trygt, tá ið tað skal til kanningar á Røntgendeildini, soleiðis at vit fáa gjørt eina góða kanning. Fyrireikað tí barnið væl, soleiðis at barnið veit, hvat tað kann vænta á kanningardegnum.

Víst verður til heimasíðuna hjá Odense Universitetshospital www.hcand.dk, umframt HC And appirnar, har nógv gott tilfar til børn er at finna.

Mammografiscreening

Mammografiscreening verður boðið øllum kvinnum í aldrinum 50-69 ár, annaðhvørt ár. Kanningin tekur áleið 10 min. og verður endurtikin 2. hvørt ár. Les meira um mammografi screening her.

Kálkskanning

Røntgendeildin ger ikki kálkskanningar av beinagrindini. Víst verður til Medisinskt ambulatorium á G3.

Ultraljóðskanning av barnakonum

Røntgendeildin ger ikki ultraljóðskanning av barnakonum. Víst verður til Ljósmøðratænastuna á A2.

Upplatingartíðir

Opið er mánadag til fríggjadag frá kl. 08.00 til 12.00. 

Telefontíðin er mánadag til fríggjadag frá kl. 09.00 til 12.00.

Samband

Deild

Røntgendeildin á Landssjúkrahúsinum
J. C. Svabosgøta, 41-49
2. hædd í B bygninginum

Leiðandi starvsfólk

Lisa Frederiksberg
Lisa.Frederiksberg@ls.fo

Hent kunning

Leiðbeining

Leiðbeiningin liggur við høvuðsdyrnar í forhøllini á Landssjúkrahúsinum. 

Leiðbeiningin útvegar lyklar til Gestalonina, til starvsfólkaíbúðirnar og umsitir nógvar aðrar uppgávur.

Leiðbeining er mannað alt samdøgrið, allar dagar, tó skal ringjast á høvuðsdyrnar millum kl. 23.00-07.00.


Tel. 304500

Teldupostur: leidbeining@ls.fo

Parkering

Við høvuðsdyrnar á J.C. Svabosgøtu
Til ber at parkera í 1 tíma við parkeringsøkið við høvuðsdyrnar. Tó er ikki altíð lætt at finna P-pláss. Er tú sjúklingur, ið skalt til viðtalu, verður tí mælt til, at tú kemur á Landssjúkrahúsið í góðari tíð.

Væntar tú at verða longri á Landssjúkrahúsinum, ber til at fáa veitt eitt serstakt loyvi til longri parkering við at venda tær til Leiðbeiningina í forhøllini. Tú skalt tá upplýsa nummarplátu á tínum bili, og leggja loyvið, tú fært útflýggjað, á eitt sjónligt stað í bilinum.

Við Sandágerð
Niðanfyri Landssjúkrahúsið til høgru eru tvey stór parkeringspláss. Her er loyvt at lata bilin standa í 8 tímar. 

Á Eirargarði
Hevur tú avtalu ella onnur ørindi á Eirargarði, er møguligt at parkera óavmarkaða tíð. 

Um tú ert blóðgevi
Skalt tú geva blóð, ber til at parkera á serstøkum parkeringsøki til blóðgevar, niðanfyri Landssjúkrahúsið við Álaker, har inngongdin til Rannsóknarstovuna er. Har er óavmarkað parkering fyri blóðgevar. Onnur, ið ikki skulu geva blóð, eiga ikki seta bilin frá sær á hesum parkeringsøki.

Matur

Á Landssjúkrahúsinum eru fleiri møguleikar at fáa ein betri bita. Maturin kann njótast í hugnaligum umhvørvi við borðini í forhøllini ella kann takast við heim.

Heitur matur
Gerandisdagar kann heitur matur keypast til døgurða, umframt okkurt omaná. Sí dagsins rætt her.
Døgurði er at fáa ímillum kl. 11:30 og 13:00.

Salat barr
Gerandisdagar kanst tú gera tær fjølbroytta salat við heimabakaðum smábreyði í salatbarrini. Salat barrin er sjálvtøka og er opin frá kl. 11:30 – 16:30.

Upp- og afturlatingartíðir
Mándag-fríggjadag kl. 08:00 – 20:30
Leygardag kl. 10:00 – 20:30
Sunnudag kl. 14:30 – 20:30

Blómur

Vitjandi eru vælkomin at taka avskornar ella turkaðar blómur við til innløgd á Landssjúkrahúsinum. Tað er tó ikki loyvt at taka plantur við mold við inn á klinisk øki. 

Internet

Á Landssjúkrahúsinum er gestanet, ið er opið til øll at brúka. Netið eitur Heilsunet-Guest.

Sosialir miðlar

Landssjúkrahúsið brúkar bæði Facebook og Instagram til leggja tíðindi, myndir, kunning og størv út til tykkum at síggja.

Tit eru vælkomin at fylgja við. 

Royking

Tað er ikki loyvt at roykja á Landssjúkrahúsinum. Uttanfyri høvuðsdyrnar er eitt tilskilað økið til royking.

Gisting

Sjúklingar og barnakonur búsitandi uttanfyri Suðurstreymoy, sum ikki verða innløgd, hava møguleikan at gista í Gestalonini.  Tað sama er galdandi fyri avvarðandi. 

Gestalonin á Landssjúkrahúsinum er staðsett á Eiragarði 4. 

Les meira um Gestalonina her.

Send viðmerkingar ella hugskot til okkum fyri at betra um virksemið í Sjúkrahúsverkinum
Rís og rós